تندرج اسباب فسخ الخطوبة تحت مسمى القسمة والنصيب، لكن في بعض الأحيان يكون سبب انفصالهما تافها للغاية ويعتبره البعض "تلكيكة" ليتخلص أحدهم من الآخر. ومن "أتفه" وأغرب أسباب فسخ الخطوبة، خناقة بسبب مفرش سرير، او نقل العفش، او لأن العريس يريدها ان تكوي له الملايات والجرابات ( الكلسات او الشرابات)، او لأنها لا تلبس ضيق، او لانه حاول ان يمسك يدها او يضع يده على كتفها، او لأن الخطيب اشتغل في الفاكهة، او لأن والدة الخطيبة ستتزوج، وتقول سمر: خطيبي فسخ الخطوبة لاني "حط يت رجل على رجل قدامه"!!!
قالت ريهام:" بسبب مفرش سرير"، وأضاف أحمد:" عشان جالها عريس أحسن من خطيبها آه والله". وتذكرت دنيا:" كانت أول مرة أشوف طلته البهية وجاي يقول أنا لازم مراتي تكويلي الملايات والشرابات، اتاوبت وقلت لماما يلا عشان عندي شغل بدري". وقال محمد:" فسخت خطوبتها مني عشان اشتغلت في الفاكهة، طيب ما أنا معايا بكالوريوس ومش بشتغل بيه، اقعد جنب أمي يعني واخد مصروفي منها".
الصورة للتوضيح فقط
وأضاف احمد:" فركشوا عشان مامتها كانت هتتجوز، فهو اضايق وخاف عليها من كلام الناس فاتعصب عليها وفضل يغلط في مامتها، فهي زعلت وقلبت بخناقة كبيرة بينهم وسابوا بعض وبعدها مامتها متجوزتش والبنت اتجوزت وخلفت، وبعد 7 سنين لسه مش عارف ينساها ولا يحب غيرها".
وروت مني:" علشان مش بتلبس ضيق، شوفتي الخيبة"، وقالت سمر:" حطيت رجل على رجل قدامه". وروت مي : "حصل معايا موقف عجيب شوية، كان في واحد متقدملي المهم وافقت للأسف، ونزلنا عشان نشتري الشبكة ولماكنا بنعدي الشارع عاوز يمسك أيدي ويعديني، أنا بعدت عنه ومشيت عادي، بعد شوية عايز يحط إيده ع كتفي ويقرب مني كدة، المهم جبنا الدهب روحت قولت لماما أنا مش مرتاحة عشان حصل منه كذا كذا وخلاص مش هينفع أكمل، وأخويا كلمه وقاله كل شيء قسمة ونصيب، فطالبونا بثمن الذهب الشيكولاتة والحاجة الساقعة ..
الصورة للتوضيح فقط
وقالت آية:" انا كان متقدملي واحد وفسخ عشان مش من مستواه إن خطيبته يبقي البيت اللي في وش بيتها واقع والشارع مليان طوب". وقالت هاجر:" أنا فسخت الخطوبة علشان وإحنا في المعرض بنشتري السيراميك مامته وأخته اللي كانوا بيختاروا ولما اعترضت على لون الحمام اعترضوا فرميت الدبلة في وشه ومشيت، كاته نيلة ابن أمه". وأضافت ندي:" اتخنقوا يوم الخطوبة نفسها على مين يقعد في العربية مع العروسة أخت العروسة ولا أخت العريس".
وقالت دونا:" واحدة صاحبتي غسلت شعرها ورحولها عريسها وحماتها وشافوا شعرها، قالوا لها ايه ده إحنا مكناش نعرف أن شعرك كده أصله مش ناعم أوي واتفركشت الخطوبة وأضافت ضحي:" يوم نقل العفش فركشوا عشان اختلفوا على مين هيحاسب العربية اللي نقلت العفش".
