بعد ان لاقت اغنية (ما حصلش حاجة) للديفا سميرة سعيد اقبالا كبيرا جدا خاصة من قبل الفتيات اللاتي رددن الاغنية ليثبتن ان فراق الشاب لم يكن صعبا عليهن وانه لا يستحق ان يشعرن بالحزن على بعده، يبدو ان بعض الشباب قرروا ان يثبتوا العكس ويغيروا كلمات اغنية (محصلش حاجة) ليهاجموا من خلالها الفتيات بأسلوب مضحك. وقد نشرت النجمة المغربية سميرة سعيد فيديو طريف جدا فيه اغنية (محصلش حاجة) لكن ليس بصوتها وانما بصوت شابين قاما بتغيير الاغنية وحاولا إبتكار كلمات جديدة تشبه أغنية "سميرة سعيد" من ألبومها الأخير.
وقد عمل الشابين على وضع كلمات الأغنية بحيث تكون موجهة للفتيات هذه المرة.. وقد علقت "سميرة سعيد" على الفيديو قائلة: "شاهدوا رد فعل الشباب على أغنية ما حصلش حاجة في فيديو طريف". وجاء في الكلمات الجديدة بصوت أحد الشابين: وأديني أهو طلقتها ومحصلش حاجة.. والوضع فعلًا مختلفش في أي حاجة.. بغسل وبكنس وبمسح وبعمل كل حاجة.. دي وليه زنانة وكئيبة..!!
عمل الشابين على وضع كلمات الأغنية لمهاجمة الفتيات
واستكمل الشاب الغناء بالكلمات الجديدة وهو يتماشى مع لحن وأسلوب أغنية "سميرة سعيد" التي يسمعها ويغنيها بطريقته هو يجلس في سيارته.
وكنا قد نشرنا في موقع فرفش موضوعا يحوي فيديوهات طريفة لفتيات يقمن بغناء اغنية سميرة سعيد باسلوبهن. بامكانكم قراءة الموضوع ومشاهدة الفيديوهات هنا: فيديو اغنية سميرة سعيد (محصلش حاجة) ترددها مصريات، مغربيات وفلسطينيات في السيارة.
فيديو اغنية سميرة سعيد "محصلش حاجة"
وتقول كلمات الاغنية الاصلية:
وأديني سيبته وشوفت اهو محصلش حاجة
والوضع فعلا مختلفش في أي حاجة
باكل واضحك بشتغل واعمل كل حاجة
لأ لأ مش زعلانة وكئيبة
مش ماسكة صورته وبتقهر زي العبيطة
ولا ماشية وبخبط دماغي في كل حيطة
مبردش عاللي يقولي كلمة جت بسيطة
بعدك مش متصنف مصيبة
بالعكس حتى انا حاسة مرتاحة وسعيدة
مطلعش انها حاجة وحشة اعيش وحيدة
هبدأ حياتي بصفحة فاضية ولسه بيضا
وبشنطة شخصيات جديدة
انا عارفة انه زمانه ماشي يقول عليا
انا واحدة شريرة وقوية ومفترية
شايفين يا ناس الست دي عملت ايه فيا
كدبك سامعاه من وانا بعيدة
اسلوب كلامي طبيعي هيحير شوية
انا قاسية ولا ده كله من كتر القسية
لو حد عايز يعرف من فينا الضحية
يسأل عن مواقفنا القديمة
مقدرش أنكر اني لسه في جزء فيا
بيقولي طب كنتي استنيتي عليه شوية
متمثليش انك عايشة طبيعي وعادية
متمثليش انك سليمة
بالعكس حتى انا حاسة مرتاحة وسعيدة
مطلعش انها حاجة وحشة اعيش وحيدة
هبدأ حياتي بصفحة فاضية ولسه بيضا
وبشنطة شخصيات جديدة
تعليقات الزوار | اضف تعليق
.jpg "صورة رقم 1 - شاب يتلاعب بأغنية سميرة سعيد ويقول: طلقتها وما حصلش حاجة!")
.jpg "صورة رقم 2 - شاب يتلاعب بأغنية سميرة سعيد ويقول: طلقتها وما حصلش حاجة!")
.jpg "صورة رقم 3 - شاب يتلاعب بأغنية سميرة سعيد ويقول: طلقتها وما حصلش حاجة!")
.jpg "صورة رقم 4 - شاب يتلاعب بأغنية سميرة سعيد ويقول: طلقتها وما حصلش حاجة!")
