وصلت الى موقع "فرفش" هذا الاسبوع رسالة من فتاة، تقول فيها ان الشاب الذي تقدم لخطبتها، كان على علاقة غرامية مع فتاة من ديانة أخرى، وانه كان يعيش معها كزوجين، لكن اختلاف الأديان حال دون ارتباطهما، وهي تخشى ان يكون ما زال على علاقة او انه قد يعود الى حبيبته الأولى. ولا تدري اذا كان عليها ان توافق على الارتباط به ام لا. واليكم القصة كما وصلتنا:
مرحبا.. انا فتاة عمري 23 سنة، تقدم لي شاب للزواج صار الموضوع عن طريق الاهل.. هو شاب منيح ومؤهلاته جيدة تحلم به اي بنت. لكن المشكلة هو كان عنده علاقة سابقه مع بنت مسيحية وكانوا بيحبو بعض كتير.عاش معها بصورة زوج وزوجة اربع سنين وكانوا متفقين على الزواج، وخطب البنت اكثر من مرة وكل مرة يتم رفضه من قبل الاهل بسبب اختلاف الاديان.
ملاحظة الصورة للتوضيح فقط
وبعد هيك تركوا بعض وقرر الشاب ان يعيش حياته مع غير بنت، وهلأ هو طالبني للزواج، وانا حيرانة وخايفة كتير ان يكون لساتو بيحبها او يرجعوا على علاقة بعد ان يكون بيننا شيء رسمي، وانا ما بتحمل هالشيء مستحيل. ابي رافض الموضوع وامي موافقة بتقول انه اكيد ينساها وانا لساتني ما بعرف وتعبت كتير من هل التفكير. مش ملاقيه جواب وبدي مساعدة شو اعمل هل تعتبر علاقة عابرة و ينسى البنت ولا لا؟! بليز ساعدوني!!
