وصلت الى موقع فرفش رسالة من قتاة تقول انها سئمت بسبب تدخلات شقيقها الأكبر بها واهاناته المتكررة لها حتى امام الناس ومنعها من الخروج وحمل الهاتف النقال.. فهو يكثر من التدخل فيها ويشك بكل حركة تقوم بها رغم انها لم تعد طفلة وتجاوزت الـ 17 من عمرها. واليكم رسالة الفتاة كما وصلتنا
انا بنت عمري 17 سنة، يئست من الحياة من اجل اخي الكبير اللي مقرفني عيشتي، انا بنت وحيدة في البيت وعندي اخوان اكبر مني، انا الاصغر في البيت. اخوي الكبير بضلو يتشاطر علي.. ممنوع تروحي، وممنوع تيجي، وحتى مع امي ما بخليني أطلع. وانا من نوع البنات اللي ما بحكي مع شباب ولا بعمل اللي بتعملو البنات عشان يتعامل معي هيك! يعني بنكون قاعدين مع الاقارب بيصير يهين فيي ويحكي معي بجقامة وانا ولا عاملة اي اشي وحتى في كسوت خطيبته ما بدو اياني اروح معها مع انو هي طلبت مني ارافقها.
الصورة للتوضيح فقط
اذا شافني حامله تلفون امي بيجي بسألني مع مين بتحكي وبشك اني بحكي مع حدا.. يعني انا عمري 17 سنة، وبعدين يعني ومن انا صغيرة وهي يعاملني هيك وامي وابوي ما بسترجوا يحكوا معاه كلمة.. الكل بخاف منو بس علي بضل يتشاطر.. برا ممنوع تقعدي لحالك وبضل يهينني قدام الناس وانا ولا عمري رفضتلو طلب، بضل اقول "مش مشكلة اخوي الكبير على عيني وراسي بس زودها! حاولت افهمه انو انا كبرت ليش هيك بتعاملني وانا مش عاملة اشي بس للاسف عالفاضي وانا مليت مش عارفه شو بدي اعمل انصحوني!