وصلت الى موقع "فرفش" رسالة من فتاة، تقول فيها انها دمرت حياتها بسبب جهلها وثقتها العمياء بشاب تعرفت عليه، وكان يلح عليها ان ترسل اليه صورها وهي منزوعة ، ويؤكد لها ان نواياه حسنة وانه يريد ان "يستر عليها" كما قال، وفي النهاية انتهت علاقتها به لكن صورها المنزوعة بقيت عقبة امام زواجها من شاب احبها فعلا وكانت نواياه حسنة لكن ماضيها أفسد عليها العلاقة الجدية والحقيقية. واليكم الرسالة كما وصلتنا:
أنا بنت عندي مشكله عمري 18 سنة ومشكلتي مش سهله. أنا تعرفت على شاب من قبل 6 شهور. أول ما حكيت معو كان يحكي لي انو بدو يخطبني ويستر علي وهو عمل العكس تماما. هو كان بدو يوصل لهدف إنو ياخد صوري وأنا منزوعة أو كان يورجى صحابو وأنا ما كنت أعرف إلا لما كل صحابو صارو يبعثوا لي رسائل يحكوا "كيفك إنت مرتبطة ولا لا" وكانوا يعرفوا إني بحكي مع صاحبهم.
الصوره للتوضيح فقط
الشاب استغلني واستعمل صوري.. أنا ما كنت بدي ابعث صور بس هو كان يحكي لي "لا حبيبتي ليش افضحك وأنا بدي أستر عليك وإنت راح تكوني حلالي ولسة ما رضيت أبعث لسة. بعد فترة ظل يلعب في مخ ي يحكي لي ابعثي لي صور ويظل يعمل حاله زعلان. يوم من الايام سهرنا وصار يحكي لي "انت مش من نوع البنت البدي إياها انت بتزهقى وما في إشي فيك يشبهني.. أنا بدي وحده تكون "فتحة".
حاول ينزل من معنوياتي وقدر يستغلني.. أنا في هذا الوقت كنت أحبه وما عرفت شو بدي أعمل وصار يسألني إذا إنت ما بتثقي فيي فش داعي نكمل مع بعض.. وبهذا اليوم بعثت له صورة حكيت له يحذفها بعد ما يشوفها وخليته يبعث لي صورة للفايبر إنه مسح الصورة، أو أنا قلت يمكن بنوثق فيه وأنا ظلمته. أنا كنت حاكيت له بس راح أبعث صورة واحده بس هو عرف كيف يستغلني بعد هالليله كل ما حاكيت له ما في داعي أبعت صور كان يعمل حاله زعلان وحردان عشان ابعث له.
الصورة للتوضيح فقط
صرت أظل ابعث له وصار بالآخر يحكي لي إنت بعيدة عني ما بقدر أحب وحده بعيدة وهو أول ما تعرفت عليه كان يعرف إني عايشة في بلد ثاني. لما حكيت هيك ما عاد يهتم إلي وأنا قلت يمكن عشان بعثت صور غير محتشمة بس المشكلة أنا كنت ناوية على علاقة تتحول لزواج.. بس هو كان فكره غير كان بدو يستعملني ويعمل حاله جاي من الباب متل ابن الحلال أو ياخد إللي بدو إياه.أنا نسيته، وبعد مدة تعرفت على واحد جديد لكن هذا كان مختلف كليا ما كان يحب الكلام السافل وكان منيح معي وهذا جدي كان بدو اياني. بعد فترة من الكلام معه ابن خاله عرف عن صوري المنزوعة وابلغه عني، فبعث لي رساله يقول فيها انا فعلا كنت بدي أتزوجك بس كان فكري إنك بنت منيحة" ولله انقهرت. بعد ما تعرفت على شاب منيح وتفكيره نظيف الصور رجعه يخربوا علي حياتي. وأنا جاهلة ما كنت أعرف شو بعمل فكري إنه بدو اياني وعمل حاله ابن حلال بس عشان يفضحني ويخرب علي! شو أعمل في هذا كله؟؟؟
