وصلت الى موقع "فرفش" هذا الاسبوع رسالة من شاب مصري يقول فيها انه منذ وفاة شقيقه قبل ستة شهور، وهو يعيش ظروفا صحية غير عادية، وينتابه شعور انه سيلحق بشقيقه المتوفى، وأصبح لديه خوف تحول الى وسواس من الموت. وكتب الشاب المصري رسالته هذه لقراء موقع "فرفش" طالبا المساعدة والنصيحة للتخلص من الحالة التي تنتابه يوميا، رغم ان الفحوصات الطبية لا تظهر انه يعاني من اية مشكلة صحية. واليكم القصة كما وصلتنا.
انا عندي مشكلة اخويا توفي من حوالي 6 شهور، وانا من ساعتها وانا حياتي بقت صعبة.. على طول بفكر فيه، وبقيت بخاف من حكاية الموت وحاسس ان عندي وسواس للموضوع ده. وبعدين انا من ييجي شهرين كده تعبت وروحت الدكتور وقال لي أعمل تحاليل، وعملت تحليل دم وسكر ووظائف الكبد وتخطيط القلب، وكل النتائج كانت سليمة. بس انا مشكلتي ان اي حاجة تتعبني اعمل لها حساب وأحس ان عندي مرض وممكن اموت في أي لحظة، وحاليا عندي اوجاع تحت كتفي مش عارف اذا كان ده شد عضل عادي وللا ايه!! ارجوكم شوفولي حل لاني بجد تعبت انا حياتي كانت كويسة وعمر ما حصل لي كده يا ريت حد يساعدني وجزاكم الله خيرا.