اعترفت الفنانة شيرين بأنها قالت لفنان بأنها تحبه وتريد الزواج منه، رافضة في البداية الإفصاح عن هويته. وقالت: "هو فنان وعنده معجبات، وكنت معجبة بيه وقلتله أنا بحبك وعايزة اتجوزك ده كان من سنتين تقريبًا".
وأضافت خلال لقائها مع الإعلامية "وفاء الكيلاني" ببرنامج "المتاهة": "رد علي وقتها وقالي: يالله شو دمك خفيف، وكان وقتها مش متجوز ودلوقتي متجوز". وردت "وفاء"، قائلة "عاصي الحلاني ولا راغب علامة .. بس دول متجوزين، يبقى وائل كافوري، بس ده يتحب". وعلقت "شيرين عبد الوهاب"، قائلة "أيوه هو، بس ده كان هزار .. أنا مقبلش أتجوز راجل متجوز، إلا لو كان في مشكلة عنده في زواجه الأول".
وشنت الفنانة شيرين عبد الوهاب، هجومًا حادًا على الملحن والمطرب عمرو مصطفى، بعد أن انتقد تصرفاتها في برنامج المواهب ذا فويس وقالت: "عمرو مصطفى إما بيجيلي البيت علشان لحن، وبيجيب الجيتار معاه بيطبل عليه ويقولي حطيلى أي مزيكا تكنو علشان أقولك على اللحن". وتابعت: "عمرو مصطفى تلت أرباع كلامه مش موزون، وأكتر واحد ودانا في 60 داهية بكلامه ومكنش له علاقة بالثورات العربية، هو معندوش عقل، وأنا مش هعتب عليه، أنا بكرهه عمى حتى لو كان هو بيحبني، لأني بحترمه وبعامله كويس، لكن هو كلامه وحش وصوته وحش جدًا". شاهد فيديو شيرين تهاجم عمرو مصطفى..
ورد عليها الملحن عمرو مصطفى موجها سبابا قاسيا للفنانة شيرين عبد الوهاب، وكتب في تدوينة له على صفحته الرسمية على "فيس بوك"، "فعلا الإنسان لما بيكون طيب مع الأصوات الجديدة، لما بتكبر بتفتكر إنها وصلت وبتتجاوز حدودها، بس أنا مش هرد، أنا بس هقولك افتكري ريحة رجلك لما كنت عند الشاعر بهاء الدين محمد ونصر محروس، واتحايلوا عليا علشان أسمع صوتك". وأضاف، في وصلة سباب: "وبعد كده قالولي ممكن توصلها بس في طريقك، وساعتها رحت غسلت العربية من الريحة"، بحسب تعبيره. وبعد دقائق من نشر البوست اضطر عمرو مصطفى لحذف البوست وقال" أنا قولت أفكرك بس أخلاقي تمنعني أني انزل المستوى المنحط، وتم حذف البوست".
تعليقات الزوار | اضف تعليق
