قدمت الإعلامية المصرية ريهام سعيد اعتذارا لجمهورها في بداية تقديمها أولى حلقات برنامجها "صبايا الخير" بعد توقف دام 6 أشهر، على شاشة تلفزيون النهار، قائلة: "لازم أقدم اعتذار لكل واحد اتضايق أو استاء مني، ولازم اعتذر لكل فئات الشعب التي قد تكون انزعجت حتى لو على باطل أو سوء تفاهم، ربنا عالم وشاهد علي أن إحنا كنا بس بنحاول نقول الحقيقة واللي حرصنا عليها طول 13 سنة، اقسم بالله العظيم ما كان قصدنا تشهير أو بروباجندا ولا إحنا نعلى ، لأني مش أنا البني آدمة اللي راحت اشتغلت مذيعة، وكنا بنعالج الناس علشان نأخد شعبية وهانروح نعمل خير ونصور العمليات علشان نقول إن إحنا جامدين، كل حاجة جت بالصدفة وبتوفيق من عند ربنا وكل حاجة كانت رزق وكل اللي يعرفوني يعرفوا ازاي أنا طيبة وضميري صاحي جدا، ودي مشكلتي، إن كان دايما واخدة عهد على نفسى إن لازم أقول الحق".
وأضافت الإعلامية خلال برنامج "صبايا الخير"، الذي تقدمه على قناة النهار، "ليكوا حق إن ممكن تكون المعالجة غلط او قاسية لكن إدوني عذر في إن أنا على الأقل نيتي كانت كويسة، وعاوز أقول الحقيقة، مرة تانية اتأسف ليكوا ولو ناس شايفة إن أنا محتاجة أتعاقب، أنا اتعاقبت، قعدنا 6 شهور في البيت وناس كتير ماتت واتهزأنا وإتشتمنا وناس إتريقت علينا واتحكم عليا سنة ونصف سنة"، مضيفة "أكيد كل واحد غلط في حياته وناس غلطته وهو مش غلطان".
وتابعت: "اسمحولي في الآخر إني اتأسف للناس المرضى اللي أهلهم بيبكوا عليهم جامد لأنهم ماتوا والأطفال الكثير اللي راحوا، أطفال كثير ماتت بسبب وقف البرنامج والتأخر على العمليات، ودول فعلا اللي محتاجين الاعتذار ودول فعلا اللي أنا اعتذرلهم بجد من قلبي وابوس رجليهم " واستطردت سعيد، عالجنا ناس من المخدرات وعملنا مدرسة لذوي الاحتياجات الخاصة وعملنا 50 ألف عملية قلب مفتوح وعرفنا الناس زرع القوقعة كنا بننزل من بيتنا من الصبح لغاية بالليل وبنام فى الميكروباص أشك ان حد فيكم يستحمل يقعد فيه 10 دقائق انا كنت باقعد فيه 13 ساعة امشي بين المحافظات أدور على الناس الغلابة ونعمل مجهودات شخصية كثير جدا إيمانا منا ان يكون فيه حاجة حلوة في بلدنا، واختتمت كلامها قائلة: "كل أمالنا اللي احنا نقول الحق".
تعليقات الزوار | اضف تعليق
