تطلب الفتيات عادة من نجمهن المفضل صورة موقعه منه، او اللقاء معه والتقاط "سيلفي" معا، او ربما ان يعطيها فرصة لتظهر في احد اعماله الفنية، لكن احدى معجبات الهضبة عمرو دياب واسمها آية علاء، كان لها طلب آخر غير متوقع بالمرة من نجمها المفضل. آية علاء وجهت رسالة للمطرب عمرو دياب طلبت منه فيها أن يختار موديل محجبة لتكون بطلة فيديو كليبه الجديد..
وقد كتبت آية علاء التي تقيم في المنصورة، على صفحتها الشخصية في موقع التواصل الاجتماعي فيسبوك، تعليقا طويلا لتشرح من خلاله وجهة نظرها حول كليب عمرو دياب الجديد، مؤكدة انها تعرف انها فكرة "مجنونة" وقالت: "مجرد فكرة جات في دماغي، ونفسي تلف فيس بوك وتوصل لـ عمرو دياب.. كلنا عارفين إن عمرو دياب هينزل فيديو كليب لـ ألبومه الجديد، إن شاء الله، وده الكليب إللي كل الناس منتظراه.. هيجري إيه والنبي لو ?الهضبة? عمل كليب مع بنت محجبة؟؟"
"عارفين هيجري إيه، لو عمرو دياب عمل الكليب مع بنت محجبة وبالستايل الجديد"
وأضافت آية علاء: "عارفين هيجري إيه، لو عمرو دياب عمل الكليب مع بنت محجبة وبالستايل الجديد اللي في الصور، ده اللي طالع للمحجبات؟ كلناعارفين أن عمرو دياب هو طبعا اللي بيطل ع الموضة في أي فيديو كليب! انتو عارفين كام مطرب هيقلده؟؟ وعارفين كام بنت هتحب شكلها بالحجاب؟؟ وعارفين كام بنت ممكن تتحجب و تحب شكلها بالحجاب أكتر من شعرها؟ وعارفين إن ده معناه بأن الدين دين وسط ومش هيمنع المحجبة بأنها تظهر على الشاشة، بالشكل اللي تحبه؟ ومش لازم الفيديو كليب يكون كله رقص!.. ممكن يبقي أرقي من كده بكتير أوي".
وتابعت قائلة "عارفين كام شركة ملابس (للمحجبات) ممكن تغتني لو الهضبة فعلا عمل كليب والموديلات اللي معاه محجبات؟؟ عارفين كام شركة إنتاج تدعم الكليب ده؟؟ وعارفين كمية الحسنات اللي هتبقي في ذمة عمرو دياب لو عمل حاجة زي كده؟ عارفين الثقافة الجديدة و الموضة الجديدة في عالم أزياء المحجبات، اللي ممكن تحصل؟".
من خلال صفحة آية صاحبة الفكرة على الفيسبوك يظهر ان فكرتها لاقت العديد من الانتقادات والهجوم
وعن غرابة فكرتها قالت آية علاء: "أنا عارفه أن فكرتي ممكن تكون غريبة، لكن هحاول أنشرها ومش هخسر حاجة ويمكن توصل للهضبة وتغي ر مفهوم الحجاب عند ناس كتير". واختتمت اية تدوينتها بقولها: "لو اللي بقوله ده جنان، معلش استحملوا جناني!! ?كليب عمرو دياب والمحجبات"?.
تعليقات الزوار | اضف تعليق