يعتقد بعض الاخصائيين الاجتماعيين ان عيد الاضحى المبارك بدأ يفقد بعضا من عاداته وتقاليده الهامة والاساسية التي بسببها جاءت تسمية العيد بـ "الأضحى". ومن هذه العادات ان العائلات اصبحت تكتفي بإخراج ثمن الأضحية أو شرائها مذبوحة من المسالخ ومحلات بيع اللحوم.

في مقابل ذلك جرت العادة في الماضي ان يجيء الجزار الى بيوت المسلمين وان يذبح الأضحية امام اعين الاطفال والنساء والرجال وجميع المحتفلين بالعيد السعيد وبهذه المناسبة الطيبة التي تعود علينا يوم السبت القريب باذن الله.

صورة رقم 1 - هل تعتقد ان على الاطفال ان يشهدوا ذبح الأضاحي بالعيد؟

في زاوية "شو رايك" لهذا اليوم يناقش قراء موقع "فرفش" مسألة ذبح الأضاحي امام عيون الأطفال، هل هو أمر محبذ يزيد من فرحة العيد؟ هل يمكن لمشهد الدماء المتدفقة من الأضاحي ان تترك اثرا سلبيا على الأطفال؟ شو رايك؟

قد يهمك ايضاً في فرفش بلس : هل تعتقد ان الثياب تشجع او تبرر الاغتصاب؟ شو رايك؟!, للتفاصيل...

صورة رقم 2 - هل تعتقد ان على الاطفال ان يشهدوا ذبح الأضاحي بالعيد؟

. ذبح اضحية العيد هادا جزء من ديننا وعاداتنا وتقاليدنا. انا تربيت في بيت كان فيو والدي يذبح الاضحية بنفسه. صحيح كنت احزن على الخروف بهديك اللحظة بس بعدين كنت انسى وما تولدت عندي عقد ولا اشي, بالعكس كنت دايما اتذكر شو الهدف من الاضحية. اليوم طالعة موضة النباتية والطبيعية وصار كانه الكل ما بقدر يشوف مظاهر الدم وكانها دليل على الهمجية. برايي هادا مجرد محاولة مواكبة الموضة لا اكثر, عند معظم الناس. انا بعشق قناة ناشيونال جيوغرافك وبحب اشوف الحياة بالبرية. القناة بتبث حياة البرية بطبيعتها بكل المشاهد الحلوة والشنعة اللي فيها لانه هاي هي الطبيعة اللي خلقنا عليها. ببثو افتراس الحيوانات لبعضها متل ما هي بالطبيعة من غير تجميل, وبفكر انو المسؤولين عن القناة بعرفوا انو في اولاد صغار بتفرجوا على القناة ومع ذلك ببثوا الطبيعة متل ما هي. وما بفكر انو تعليم الاولاد على شو بصير بالطبيعة ممكن يولد عندهم عنف. هاي هي الطبيعة لايه نجملها ونغيرها؟ وهيك كمان احنا البشر. الانسان القديم نشأ على الصيد وذبح الحيوانات من اجل الاستمرار هاي هي طبيعتنا كبشر وبعدين اجى الاسلام يوضحلنا اي الحيوانات حلال ناكلها وايها حرام من حكمته..... بضايقني اكتر اشوف كيف بعاملو الحيوانات بالمزارع المعدة لتربية الحيوانات للذبح فيما بعد, بضايقني اشوف لما يعذبو الحيوان لحظة الذبح, بضايقني اشوف الظروف اللي بربوا الحيوانات فيها. بضايقني قلة النظافة بهاي المحلات. بس ما بتضايقني فكرة الذبح ذاتها لانه هاي الطبيعة اللي احنا جزء منها. واذا الطفل اتربى على هاي الفكرة ما بفكر انه رح يكبر مع عقد.

30.09.2014 10:23:40 ص - 10:23 | .

. براي الاشي ممنوع منعا باتا يشوفة الاطفال! لانة الشي ما بيعمس عليهم فرحة العيد بلعكس بعكس خوف ومششاهد بضلها علقانة براسهم وبتحليهم يكبروا ليصيروا عنيفين اكتر لانة معروف انة مشاهد الذبح والدم والتعذيب بتولد بالطفل قسوة عنف لما يكبر, هاي من ناحة , من ناحة تانية انا شخصيا بعرف عدة شباب وصبايا يلي صابهم عقدة لانهم شاهدوا ذبح وهني صغار ولما كبروا وا عادوا ياكلوا اللحمة( مع اني سعيدة بهالنتيجة بما اني نباتية) ولكن هاي المناضر بتعمل عقد للولاد الصغار ومش مفروض فيهم يشوفوا هاي العملية

29.09.2014 09:22:39 م - 21:22 | الناصرة