وصلت الى موقع "فرفش" هذا الاسبوع من امرأة من احدى الدول العربية تقول فيها انها متزوجة ولها طفل في عامه الاول، وان خلافاتها مع زوجها تطورت لتشمل افراد عائلتها ووقع العنف بين زوجها واخوتها، وتبادلوا الشكاوى في الشرطة ما دفع زوجها الى الهرب الى بلدته، ومنذ ثلاثة اشهر انقطعت اخباره ولم يعد يسأل عن زوجته وطفله. والكم الرسالة كما وصلتنا
انا عندي مشكلة كبيرة جدا ومحتارة واحتاج مساعدة من شخص محايد لو سمحتم.. انا متزوجة من حوالي سنتين، وعندي ولد عمره سنة. حصلت مشاكل بيني وبين زوجي كتير، بس اخر مشكلة كانت في بيت اهلي واشتد الخلاف حتى وصل الى العنف والتشابك بالايدي بين زوجي واثنين من اخوتي.زوجي زعل وذهب الى بلده التي جاء منها بالاصل، تاني يوم أنا وأخواني رحنا فتحنا بلاغ عليه اتهمناه بالاعتداء بالضرب.. ومن 3 شهور لحد الان ما اتصل او حاول يحل الموضوع معي أو حتى يتصل يطمن على ابنه يلي تركه من دون مصروف.
انا رفعت دعوى طلاق وهو عنده علم بهالموضوع ومع هيك ما تحرك انه يحاول يرجعني انا وابنه قبل ما ننفصل.. بنفس الوقت بيتحشر فيني عالموبايل وببعتلي رسائل تدل انه بدو يانا بس شو الفايدة ازا بدو يانا وما في اي تصرف او خطوة عملية؟! هو ناطر الفعل مني انا محتارة بقضية الطلاق على الاخر وهو بالحكي بقول بدي ياكم وبالفعل لا!! شو اعمل؟
ملاحظة: الصور للتوضيح فقط!
