وصلت الى موقع "فرفش" هذا الاسبوع رسالة فتاة ترى في اخلاصها لمن تحب مشكلة، ولكنها لا تتحدث في الرسالة عما اذا كان الطرف الثاني يبادلها حبها المجنون له، فهي تشعر انها خائنة لنفسها لمجرد ان تراودها فكرة انشاء علاقة مع شخص سواه. واليكم القصة كما وصلتنا:
مرحبا.. انا مشكلتي اني مخلصة كتير بحبي، وصار لي شي 5 سنوات بحب شخص، بحبو بجنون.. كان عندي كتير فرص تانية اني ابدا علاقة مع شخص غيرو، ولكن انا ما عم اعطي حالي فرصة. خايفة اذا كنت بعلاقة مع واحد تاني اكون عم اخون حالي!
انا كتير مخلصة للشخص يلي بحبو، مرة اعترفت للشخص يلي بحبو بحبي الو ولكن هو ما جاوبني وراح وكمل بطريقه. دايما بصير معي اشياء بتعطيني امل انو ممكن شي يوم يرجع.. وانا عم استناه يرجع.. ولكن شو بعمل حاليا والله مو عارفة اسئلة كتير بتراودني! بصغي للقلب وللا للعقل؟ تعلقت فيه كتير وبأهله وبكل حاجة بتتعلق فيه.. واني انساه وابدأ حياة جديدة صعب كتير.. والله محتارة.