وصلت الى موقع "فرفش" هذا الاسبوع رسالة من فتاة تقول فيها انها على علاقة مع شاب منذ ايام المدرسة، وانه يحبها من اجل العيش معها وليس حب مراهقة او تسلية، لكن والدتها رفضت العلاقة واعتبرتها علاقة بين اطفال! وبعد مرور سنة قررت الفتاة احياء العلاقة من جديد لكنها لا تعرف كيف تواجه امها بهذه الحقيقة. واليكم القصة كما وصلتنا:
مرحبا.. انا فتاة عمري 19 سنة، وحبيبي اكبر مني بسنة واحدة يعني عمره 20 سنة، من اول ما ارتبطنا كان تفكيره بحب أبدي، بعيد الامد، لا ينتهي الا بالشراكة الحقيقية، وما كان حب مراهقة، مع العلم انه كنا بالمدرسة مع بعض وكان عمره 17 سنة في بداية العلاقة. ومثل ما كان يوعدني بكل سنة كان ينفذ وعده، وتوظف وراح يكمل دراسته.
من بعد ما حبينا بعض بسنة واحدة امي عرفت بالموضوع وضغطت علي وأجبرتني على تركه بحجة ان بعدنا صغار على الحب. تركنا بعض سنة كاملة، وبعد فترة انا رجعت له من دون علم امي، وكمان صار لنا سنة مع بعض من جديد، وهو عم يأمن مستقبله، وكل شي تمام.. لكن الآن صار وقت أخبرها مرة تانية، وكثير خايفة من رد فعلها وان ترجع ترفضه، ونحن مستحيل نرجع نترك بعض. بليزززز ساعدوني شو اعمل؟ وهل في شي غلط بعلاقتنا؟؟ هو كان سبب رفضها العمر بس فرق العمر مش مشكلة صح؟؟
ملاحظة: الصور للتوضيح فقط.
