وصلت الى موقع "فرفش" هذا الاسبوع رسالة من زوجة تقول فيها انه بسبب اهمال زوجها لها ومعاملته السيئة لها، تسلل الى حياتها شاب وكان يتحدث معها عبر الهاتف المحمول، لكنه لم يلتقي او يختلي بها، ورغم ذلك فانها موجودة في بيت اهلها منذ ان اكتشف زوجها انها تتحدث مع شخص غريب. واليكم الرسالة كما وصلتنا:
انا امرأة تزوجت عندما كان عمري 20 سنة، وعشت مع زوجي 7 سنوات تحت سقف واحد، وهو باستمرار مقصر بحقي وبعاملني مثل الخادمة، فدخل شاب الى حياتي في هذه الظروف الصعبة، صار يحكي معي ويحرضني على زوجي ويقول "زوجك مقص ر فيك ولا بيهتم فيك، شو رايك ادخل حياتك فرفضت.
بعدين صار يحكي معي عاهاتف الجوال ويتصل لحد زوجي صار يشك في البداية بعدها عرف ان في شاب بحكي معه وانا والله ما صار علاقة بيننا بس مجرد كلام عالجوال. فأنا اليوم عند اهلي وبدو يطلقنى وانا ما بدي الطلاق لان عندي بنت ومش حابة ابعد عن زوجي ولا بنتي لاني ما خنته ولا كذبت عليه، مش هاينة علي العشرة 7 سنين. ساعدوني بترجاكم شو اعمل لحتى يفهمني زوجي ويسامحني؟
